Обраќајки им се на студентите на Универзитетот во Сараево турскиот премиер Реџеп Таип Ердоган порача дека мораат да размислуваат за покачување на наталитетот, и дека треба да имаат најмалку по 5 деца.
Во рамки на оваа изјава, тој потсети и на неговиот исказ во Турција каде рече дека секое семејство мора да има најмалку три деца.
Според него, во случајот со Босна и Херцеговина секое семејство би требало да има најмалку 5 деца за да наталитетот биде во пораст.
„Темел на економијата е човештвото. Ако има луѓе, ќе има и капитал, производство и потрошувачка. Ако нема, нема да има ништо од наведеното. Успехот е во младата и динамична популација. Економијата се развива благодарение на луѓето. Таму каде нема луѓе, нема ни економија. Еден од најголемиоте проблеми во европските земји во денешно време е популацијата, односно големиот број на стари луѓе,“ рече турскиот премиер.