Турскиот претседател Реџеп Таип Ердоган изрази уверување дека израелскиот премиер Бенјамин Нетанјаху нема да ја избегне кривичната одговорност за воените злосторства извршени во Газа.
Тој ова го изјави по враќањето од Катар, каде на 5 декември учествуваше на самитот на лидерите на земјите од Персискиот Залив.
Турскиот претседател, исто така, истакна дека ако правилно се почитува меѓународното право и се казнуваат овие воени злосторства, тогаш оваа одлука ќе стане пример за сите угнетувачи и во палестинскиот регион и во другите региони во светот.
„Сепак, ако го оставиме ова неконтролирано и не постапиме по нашата жалба [до Меѓународниот кривичен суд], тоа ќе ја отвори вратата за поголем геноцид. Затоа, внимателно ќе го следиме ова прашање и ќе направиме се за да ги изведеме одговорните за геноцидот во Газа пред лицето на правдата“, рече тој.