Десетгодишно момче загина и четири други деца беа тешко ранети кога противтенковска граната експлодира крај Сараево, соопшти ДПА, повикувајќи се на босанските медиуми и локалната полиција.
Децата ја нашле гранатата кога си играле во населбата Хаџичи, западно од Сараево и невнимателно ја активирале.
По војната во БиХ од 1992 до 1995 година во земјата останаа стотици закопани мини.
По завршувањето на војната над 600 лица загинале и над илјада биле осакатени во експлозии на муниција, најмногу противпешадиски мини, забележува агенцијата.