Две сестри тргнаа на свадба, починаа во сообраќајка

Од:

Две лица загинаа, а трето е повредено во сообраќајна несреќа што се случи утринава на загрепската обиколница (А3).

Според информациите со кои располага „Дубровачки дневник“ загинати се две сестри кои оделе на свадба во Славонија. Станува збор за постари лица, од кои едната е од Конавле, а другата живее во странство, поточно во Данска.

Како што дознаваат хрватските медиуми, сестрите биле на пат на свадбена веселба во Славонија. Еден член од нивното семејство се венчал, а прославата е одложена поради трагедијата што се случи.

Докторот кој интервенираше на лице место ги соопшти деталите.

– Првата пријава беше дека се работи за сообраќајна несреќа со неколку повредени лица, а едно лице е во бесознание. Кога стигнавме на местото на интервенцијата, забележавме дека две лица се всушност повредени, а жената која седела на возачкото место во автомобилот веќе починала – изјави доктор Адис Керановиќ.

Како што додаде, едната сестра била сè уште жива кога на местото на настанот пристигнале првите медицински екипи.

– Сопатничката е тешко повредена и со тешки знаци на шок, а третото лице кое седеше позади беше свесно и разговараше со нас – изјави специјалистот за итна помош д-р Керановиќ.

За да интервенира пристигнала брза помош, како и хеликоптер, кој слетал на обиколницата.

– Денеска, 25 април, околу 09:00 часот на автопатот А3, со правец кон исток, на спојот со автопатот А4 (одвојување за Вараждин) се случи сообраќајна незгода во која учествуваа три возила. Две лица починале, додека третото лице добило лекарска помош. На местото на инцидентот сообраќајот е во прекин и се одвива заобиколно со регулација на полициски службеници – извести полицијата.

Би можело да ве интересира

Осум години затвор за дедото кој со месеци сексуално ги злоставуваше своите внуци

А1он

Томислав Томашевиќ убедливо победи во Загреб со над 30.000 гласови повеќе од Марија Селак Распудиќ

Горан Наумовски

Јадранка Косор: Сплит ќе биде мега победа за ХДЗ

Томашевиќ води во Загреб, Павличек прогласува победа во Вуковар, а Риека добива нов градоначалник

Локални избори во Хрватска: Затворени гласачки места, ниска излезност

Локални избори во Хрватска: Излезноста на гласачите до 16.30 часот е 23,45 отсто