За само четири дена од одрони на камења загинаа две лица, кои работеле на изградба на приодните патишта до хидроцентралата „Улог“ кај босанскиот град Калиновиќ, по што градежните работи се прекинати.
Еден од работниците на „Приједорпатишта“ загина вчера, а друг е повреден и веднаш пренесен во болница во Фоча. До несреќата дошло кога за време на работата се одронило поголемо количество камења на брегот на реката Неретва, соопшти Центарот за јавна безбедност од Источно Сараево.
Пред четири дена, исто така при одрон на камења на ова градилиште загина и еден 27- годишен багерист на „Приједорпатишта“.
Од претпријатието соопштија дека веќе три години се ангажирани на ова градилиште и досега не се случила ниту една несреќа.