Српскиот член на претседателството на БиХ Милорад Додик изјави дека изборот на Советот на министри е завршена работа и дека останува само технички да се спроведе.
Додик истакна дека има мнозинство за избор на Советот на министри во Претставничкиот дом на БиХ и изрази уверување дека новиот состав ќе биде изгласан за еден или два часа од почетокот на седницата.
Специјална седница на Националното собрание на Република Српска ќе се одржи утре во Бања Лука, но само откако ќе биде избран новиот Совет на министри на БиХ.