Познатиот француски актер Жерар Депардје, кој допатува во Црна Гора, вечерва ќе се состане со црногорскиот премиер Мило Ѓукановиќ, сооопштено беше во Подгорица.
Црногорската влада соопшти дека Депардје, чии филмски остварувања ја одбележаа светската филмска сцена на крајот на 20. и почетокот на 21. век, во моментов престојува во Црна Гора.
По разговорите меѓу Ѓукановиќ и Депардје во вилата „Горица“, предвидени се изјави за медиумите.
Депардје се најде во центарот на вниманието на јавноста откако се откажа од француското државјанство, лут на критиките откако се спротивстави на воведувањето на данок од 75 отсто за најбогатите Французи.
Актерот во меѓувреме доби руски пасош.
Тој денеска требаше да се појави пред суд во Париз заради обвинение дека возел скутер во пијана состојба.