Грција бара забрзување на дијалогот и испраќање на прашањето за морската граница меѓу двете земји, што поскоро, за решавање во Хаг, врз основа на ова и на начелниот договор потпишан пред две години во Албанија. Токму во овие рамки на разговори на политичко ниво, денеска во Тирана престојуваше шефот на грчката дипломатија Никос Дендиас.
-Да се направи компромис и да одлучиме специјалниот договор да го испратиме до судот во Хаг, во врска со разграничувањето на границата и прашањето за континенталниот гребен, рече Дендиас на заедничката прес-конференција со неговата албанска колешка Олта Џачка.
И официјална Тирана, потврди Џачка, изразува волја за забрзување на овој процес и „барање компромис“ што ќе овозможи да се предаде случајот до Меѓународниот суд на правдата.
-Постои разбирање за решавање и барање решенија за целиот спектар на прашања, колку и да се тешки, кои сме ги наследиле од историјата, додаде таа, но, без конкретно набројување кои прашања.
Дендиас изрази подготвеност за решавање на воениот закон и другите два договора, едниот за „избегнување епизоди на границата“ и одржување на граничните пирамиди, се она, како што рече, што ќе испрати порака до меѓународната заедница дека меѓународното право на морето претставува основа за решавање на сите меѓудржавни разлики и оти со заземање општ пристап, тоа ќе отвори ново поглавје во меѓусебните односи.
Посочил дека „грчкото малцинство во Албанија и албанската заедница во Грција се сметаат за два моста меѓу двата народа“.
Тој зборувал и за заеднички проект во рамките на заштитата на реката Вјоса, чии детали, нагласил ќе се дознаат при утрешната посета на премиерот Мицотакис на Албанија.
Се фокусираше и на тензичната ситуација на северот на Косово.
-Тука сум по посетата на Белград и Приштина. Сакам да ви биде јасно, дека мирот и стабилноста се примарен дел за нас. Пред нас е многу конкретен чекор кој мора да го истуркаме, а тоа е ескалацијата на северот на Косово. На средбите што ги имав во Белград и Приштина го подвлеков дијалогот меѓу двете земји, изјави тој.
Дендиас се задржа и на патот на членството на Албанија во Европската унија, каде ја изрази поддршката на неговата земја.
-Разговаравме и за енергетиката и за договорот меѓу Албанија и Грција во однос на енергетиката. Зборувавме за најмногу инвестиции во Грција и Албанија. Би сакал да се осврнам и на европската перспектива на Албанија. Грција беше голем поддржувач на Албанија на европскиот пат. Оваа порака ја пренесов и до Белград, Приштина и овде, рече меѓу другото Дендиас.
Извор: МИА