Министерот за внатрешни работи Ивица Дачиќ (60) денес беше хоспитализиран поради сериозна здравствена состојба, а според првичните информации, неговиот живот е во опасност.
Како што дознава српски Курир, тој има тешка пневмонија и е на респиратор.
– Со денови имал треска, но сите мислеле дека е вирусот бидејќи сите биле болни по ред – вели нашиот извор, додавајќи дека е во сериозна состојба.
Ве потсетуваме дека, како што објави Курир, состојбата на Дачиќ ненадејно и нагло се влошила во последните неколку дена, а денес бил примен во болница на лекување. Тој боледува од дијабетес и други придружни болести веќе неколку години, а Дачиќ буквално бил „возен“ во болница од претседателот на Република Србија Александар Вучиќ кога видел дека има тешкотии со дишењето на комеморацијата на Владислав Јовановиќ.
– Кога Вучиќ го видел Дачиќ и разменил неколку зборови со него, веднаш му рекол дека не може да остане на комеморацијата и дека итно треба да оди во болница. Ивица на почетокот се двоумеше, но потоа го послуша – вели изворот.
Ивица Дачиќ веднаш по приемот во Клиничкиот центар на Србија беше сместен на полуинтензивна нега, а се очекува неговите најблиски соработници, вклучувајќи го и претседателот, да го посетат.