Девојче (15) загина денеска во сообраќајна несреќа во Земун, додека четири лица се пренесени во болница, меѓу кои бремена жена и шестгодишно дете.
Бремената жена (23) е пренесена во Гинеколошко-акушерската клиника, додека мајка со дете е пренесена во Детската болница во Тиршова.
Дополнително, 74-годишна жена е пренесена во Ургентниот центар со полесни повреди, а екипа на брза помош е сè уште на терен.
Девојчето што починало било удрено од автобус, по што се судриле три патнички возила, дознава Танјуг.
Според сведоците, жена трчала преку улицата, а возачот на автобусот се обидел да ја избегне, па всушност преминал на тротоарот, каде што го удрил детето.
Телото на девојчето морало да се извлече од под автобусот. Брзата помош можела само да ја констатира смртта.