Околу 500 граѓани на Беране, побарале лекарска помош, поради стомачни проблеми, предизвикани најверојатно од неисправноста на водата за пиење.
Хигиено-епидемиолошката служба од Медицинскиот центар во Беране, во соработка со Институтот за јавно здравје, спроведува епидемиолошки истражувања, а на граѓаните им се препорачува да употребуваат провриена вода.
-Клиничката слика на заболените е блага, главно краткотрајна, пропратена со мачнини, повраќање и грчеви во стомакот – изјави директорката на Медицинскиот центарво Беране, Зухра Хадровиќ.
Тешко е да се процени колкав е бројот на оние кои сами се лекуваат дома, и кои не побарале лекарска помош, но се верува дека е два или три пати поголем, пишуваат медиумите.
За инфузии се чека на ред, и покрај тоа што пациентите со поблаги симптоми, со лекарски совети се испратени на домашно лекување.
Голем број деца на помала возраст се хоспитализирани на Детското одделение во Општата болница, чиј капацитет за кратко време е исполнет.
Она што е познато е дека на подрачјето каде што минува градскиот водовод, веќе месец дена се изведуваат работи на патот и дека во повеќе наврати, особено во последните денови, водата од градскиот водовод била особено нечиста.
Елена Георгиевска