Спроведеното истражување за секојдневието на младите во Црна Гора покажа дека дури третина од нив не читаат весници и не слушаат радио.
Речиси една третина од испитаниците (31,1 %) изјавиле дека гледаат некоја од ТВ станиците преку кабелските оператори, а во таа група доминираат спортските и музички канали како и регионалните станици.
Најголем процент од испитаниците (30,10 % ) гледаат филмови и серии, спортски емисии (20,4 %), додека забавно-музичките програми им го свртуваат вниманието на (18,7 %).
Својата „судбина“ печатените медиуми ја делат со радио станиците бидејќи 33,7 проценти од анкетираните не слушаат радио, што упатува на заклучок дека овие медиуми помеѓу младата популација ја губат трката во однос на останатите.
Елена Георгиевска