Црна Гора се залага за нов концепт на соработка на 6 балкански држави: Црна Гора, Македонија, Србија, Косово, Албанија и Босна и Херцеговина.
Ова како што објавија црногорските медиуми го иницирал шефот на дипломатијата Игор Лукшиќ, со цел овие балкански држави заедно да работат на евроатлантските интеграции.
Оваа иницијатива, која предвидува понапреден вид на меѓусебна соработка со цел побрза европска интеграција, има и функционален пристап, односно предвидува соработка во подрачјата важни за унапредување на квалитетот на животот на граѓаните и единствена политика за прашањата од заеднички интерес.
„Лукшиќ неодамна во Брисел оваа иницијатива му ја претставил на еврокомесарот за проширување Штефан Филе, кој ја поддржал идејата за групирање по углед на другите регионални модели на соработка во Европа“, објавија медиумите.