Бугарската полиција извести дека во сообраќајна несреќа меѓу автобус со романска регистрација и автомобил со холандска регистрација што се случила ноќеска околу 2 часот на патот Велико Трново – Русе во Бугарија, во делот меѓу селата Куцина и Поликраиште загинале 4 патници од автобусот, а 8 се повредени.
Автобусот бил управуван од турски државјанин, кој удрил во патничкиот автомобил, кој бил запрен, а потоа удрил во дрво. Еден од повредените е пренесен во болницата во Велико Трново. За среќа нема повредени патници од автомобилот.