Најпознатиот циркус во светот „Cirque du soleil“ синоќа се престави во Белградска арена со својата популарна престава наречена „Аlegria“. Таа е прва од предвидените пет што денес и утре ќе можат да ги доживеат белграѓани.
Циркусот беше испратен со овации по понудените циркуски точки со неверојатна комбинација од оркестарот на сцената, осветлувањето, интересни костими и 55 –те акробати кои со своите таленти го одземаат здивот на гледачот.
Ви нивните препознатливи неверојатни сценски настапи артистите ги употребуваат своите тела како да се од гума. Изненадуваат и точките со трапез, стоење на една рака со нозе испреплетени околу телото, игра со огнени ножеви, смешни кловнови и на крајот летање на висина од 13 метри од вратило на вратило што за нив изгледа како тоа да го прават секој ден.
Зборот „Alegria” има шпанско потекло и значи среќа, радост или ведрина. Преставата е една од најсложените технички перформанси на познатиот циркус.
Оваа година преставата јо одбележува својата 6.000 изведба. Картите за „Alegria” се движат од 2.500 до 5.500 српски динари.