Црногорско-приморската митрополија поднесе барање до Секретаријатот за просторно планирање на Будва, да им даде три адекватни места, во непосредна близина на црквата Свети Петка, за изградба на хотел и повеќекатни згради.
Како што објавија медиумите, на големото земјиште, кое е во сопственост на црквата, се наоѓаат пет парцели, единствени кои останаа слободни во тој дел на Будва.
На нив со актуелниот план е предвидена изградба за двокатни згради, но митрополијата побара да се дозволи градба на уште еден кат и тие објекти да се дефинираат како хотелски.
Митрополијата, која важи за најголем земјопоседник во Будва, веќе има изградено еден хотел „Подострог“ и комплекс од две станбени згради.
Елена Георгиевска