Откако во петокот вечерта е пуштен да се брани од слобода, претседателот на Федерацијата на БиХ, Живко Будимир денеска околу пладне пристигна на своето работно место во кабинетот во зградата на Претседателството на БиХ.
Будимир пред новинарите рече дека се надева оти ќе продолжи нормално да ја извршува функцијата претседател на Федерацијата БиХ, најавувајќи оти наскоро ќе го потпише законот за привремено поволно пензионирање на бранителите на БиХ, што е услов за продолжување на стенд бај аранжманот со ММФ.
Будимир исто така потврди дека наредната седмица ќе земе неколку дена годишен одмор „за да помине време со семејството“.
Тој не сакаше да ја коментира најавата на Социјалдемократската партија на Златко Лагумџија дека ќе покрене парламентарна расправа за тоа дали е достоен да ја врши функцијата претседател на БиХ.