Претседателот на Федерацијата на БиХ, Живко Будимир се повикал на имунитет и нема да биде уапасен, но му е ограничено движењето, пренесуваат босански медиуми.
Според мегиумите, Будимир е уапсен во акција на Државната агенција за истрага и заштита во БиХ чија цел била откривање корупција во Претседателството на БиХ во Сараево и Владата на Федерацијата на БиХ во Мостар.
Апсењето е заради примање мито за помилување, јави Федералната ТВ.
Портпаролката на претседателот на Федерацијата БиХ, Лаура Бошњак изјави дека Будимир се наоѓа во зградата на Претседателството на БиХ каде е сместен неговиот Кабинет. Таа потврди за извршување претрес и за одредени истражни постапки.