Министерот за безбедност на БиХ Фахрудин Радончиќ изјави дека ресорното министерство ќе побара за „персона нон грата“ да се прогласат двајца ирански дипломати во оваа земја.
Радончиќ изјави дека барањето ќе биде поднесено бидејќи двајцата Иранци, кои се наоѓаат на служба во амбасадата на Иран во БиХ, не ги почитувале дипломатските правила.
Тој додаде дека Министерството за безбедност на БиХ, наскоро, преку Министерството за надворешни работи и Советот на министри, ќе побара овие дипломати да си заминат од Сараево.
-Тоа ќе го направиме заради тоа што тие не ги почитуваат дипломатските норми и заради најдобриот интерес на БиХ. Останатите причини, не можам јавно, ниту има потреба да ги елаборирам, изјави Радончиќ за „ТВ1“.