Босанскиот главен обвинител побара едномесечен притвор за вчера уапсениот претседател на Бошњачко-хрватската федерација Живко Будимир, осомничен дека добивал мито во замена за помилување на осудени, јави босанскиот весник „Дневни аваз“.
Будимир и останатите 19 лица, уапсени вчера во рамките на акциите „Патриот“, „Правда“ и „Мемори“, беа сослушани денеска и за нив беше побарано и тие да останат во притвор.
Портпаролот на обвинителството Борис Грубешиќ соопшти дека конечната одлука ќе биде позната во рок од 24 до 48 часа.