Судот во БиХ вчера покрена обвинение за тероризам против Хусеин Босниќ, неформален лидер на радикални исламисти во таа држава, кој беше приведен во големата полициска акција во септември оваа година.
Според обвинението Босниќ (42) кој што е познат како Билал се терети за јавно поттикнување на терористички активности и организирање терористички групи.
Тој на сите можни начини, на собири и преку социјалните мрежи држел говори со кои ги поттикнувал припадниците на селефиските заедници да се приклучат на Исламска држава, која според Советот за безбедност при ОН важи за терористичка организација.
Во обвинението се истакнува дека тој е виновен за приклучување на голем број државјани на БиХ во ИСИС во Сирија и Ирак.
Инаку Босниќ неодамна преку медиумите на ИСИС порача дека целиот свет ќе биде исламска држава и дека нивна цел е Ватикан да стане муслимански.
Е. Г.