Ајдин Хоџиќ од Сараево поради својата девојка Селма тргнува на пат во американската држава Ајдахо со велосипед каде треба да стигне за околу четири месеци, а преку Атланткиот океан ќе патува со брод, пренесуваат босански медиуми.
Повеќе од девет илјади милји воздушна линија ги дели Сараево и државата Ајдахо, каде живее неговата симпатија Селма. Авионскиот лет од Босна и Херцеговина до главниот град на американската сојузна држава трае нешто повеќе од 12 часа.
-Последен пат се видовме минатата година, а кога и го кажав својот план и начинот на кој сакам да стигнам дотаму беше помалку збунета, како и сите останати кога слушнаа. Но, таа знае дека би направил се за неа, вели осумнаесетогодишникот кој е во потрага по спонзори за да ја исполни целта.