Домот на народите на Парламентот на Босна и Херцеговина денеска ја изгласа одлуката за недоверба на владата, но влегувањето во сила е блокирано бидејќи пратениците од Партијата за демократска акција повикаа на заштита на виталните национални интереси.
Според специјалната процедура на гласање во вакви случаи, клубовите на српските и храватските пратеници го поддржаа разрешувањето на владата, но одлуката не доби потребна поддршка во бошњачкиот клуб, со што разрешувањето на Владата е одложено.
Уставниот суд на БиХ во рок од 30 дена треба да се изјасни дали се повредени виталните национални интереси со гласањето недоверба на владата.