[staff name=”Елена Георгиевска” position=”Автор”][/staff]
Во полициската акција „Тесла“ денес се уапсени 11 вработени во бањалучката Електрокраина поради сомнеж дека со одредени приватни компании краделе струја.
Како што е потврдено од полицијата, тие на компаниите им ги намалиле сметките за потрошена електрична енергија, а за возврат од нив добиле надоместок.
Извршен е претрес во стамбени и останати простории кои ги користеле вработените, и во нив се пронајдени и одземени поголем број предмети кои ќе служат како доказ во кривичната постапка.
Акцијата „Тесла“ која е насочена кон откривање на кривични дела и злоупотреба на службена положба или овластување и кривично дело, примање и давање мито, заеднички ја спровеле претставниците од Обвинителството од Бања Лука и Центарот за јавна безбедност, во соработка со Електрокраина.
Истрагата за оваа афера, траеше изминатите шест месеци.