Пожарот кој беснее на локалитетот Слатина, кај Јабланица, ноќеска се прошири и се приближува кон браната на хидроцентралата „Јабланица“.
Стручниот советник за односи со јавноста од општината, Омер Кариќ рече дека наспроти нивните очекувања изминатата ноќ пожарот кој вчера е гаснат исклучиво од воздух, веќе претставува закана за хидроцентралата.
-Без прекин хеликоптер на вооружените сили на БиХ, го гасне пожарот на Слатина, но го попречува густиот чад кој се спушти и над Јабланица, нагласи Кариќ и додаде дека гаснењето е можно исклучиво преку воздух, бидејќи се работи за терен за кој постои сомневање дека е миниран.
Елена Георгиевска