Нема да има нова средба меѓу претседателот на Европската комисија Жан Клод Јункер и грчкиот премиер Алексис Ципрас пред вторник, по средбата на врвот на Г-7, наведуваат европски дипломатски извори.
– Нема да има средба и малко е веројатно дека ќе има средба до вторник тврдат изворите.
Меѓунарониот монетарен фонд (ММФ) синоќа соопшти дека донел одлука да го прифати барањето на Грција за одлагање на отплатата на нејзиниот долг до крајот на јуни.
– Грчките власти денеска го информираа ММФ дека планираат долгот што требаше да го отплатат на четири рати, да го вратат одеднаш кон крајот на јуни, изјави синоќа портпаролот на Фондот, Гери Рајс.