Градежна компанија од Обединетите Арапски Емирати соопшти дека планира да изгради луксузен комплекс во вредност од 2,3 милијарди евра на планина во близина на Сараево.
Комплексот ќе се наоѓа во ски-центарот, каде пред 31 година се одржаа Зимските Олимписки игри.
Градоначалникот на општина Трново, Ибро Берило изјави дека е потпишан меморандум за соработка со директорот на градежна фирма „Бурој“ од Дубаи, Исмаил Ахмед. Проектот вклучува изградба на вили, хотели и трговски центри.
Ахмед истакна дека бил изненаден од убавината на реонот околу планината во близина на Сараево, додавајќи дека неговата компанија ќе биде подготвена да започне со градежните работи кон крајот на годинава.
Проектот ќе биде најголема странска инвестиција во оваа област во БиХ.