Во САД е уапсен босански муслиман, кој има американско државјанство, под обвинение за извршени воени злосторства во родната Босна и Херцеговина пред 21 година.
Судот во градот Берлингтон во државата Вермонт, соопшти дека издал наредба за апсење на Един Сакоч, со образложение дека постои голем ризик тој да се сокрие или да побегне.
Адвокатот на приведениот изјави оти сепак очекува неговиот клиент да биде пуштен да се брани од слобода.
Педесет и четиригодишниот Сакоч, кој ги негира обвиненијата против него, се товари за силување на Србинка, соучество во убиство на две жени за кои се грижела Србинката и за палење на нивната куќа.
Ако биде прогласен за виновен, Сакоч може да добие осуден на десет години затвор и да биде казнет со 250.000 долари.