Турскиот претседател Абдула Ѓул денеска се сретна со грчкиот премиер Андонис Самарас, пренесе агенцијата Анадолија.
За време на разговорите Ѓул изјавил дека инвестициите на Грција во Турција во последните десет години достигнале 6,6 милијарди долари.
Во писмена изјава, лиферувана по средбата, што се оддржала зад затворени врати, турскиот шеф на државата посочува дека економските и трговските односи меѓу Турција и Грција се развиваат добро, а стоковната размена меѓу двете земји во 2012 година достигнала речиси пет милијарди долари.
Ѓул уште изјавил дека бројот на турски компании што инвестираат во Грција, исто така, значително се зголемил, особено во сферата на банкарскиот сектор и морепловството и додал дека се разгледуваат нови можности за соработка во областа на енергетиката и туризмиот.