523 лица во Црна Гора се со меѓународна потерница, додека по нејзините распишани потерници од 2006-та до денес во странство се уапсен 274 лица, изјавува шефот на Интерпол Подгорица, Дејан Ѓуровиќ.
Нацоналното централно биро Интерпол Подгорица во моментов на меѓународно ниво бара 523 лица, па според тоа би можело да се каже дека секоја 1186 личност во Црна Гора се наоѓа на оваа потерница.
До ваквиот податокможе да се дојде ако се земе во предвид дека според последниот попис во 2011 година во Црна Гора има 620.029 жители.
Потерниците се распишани по наредба на надлежните црногорски судови за кривични дела кои се извршени во земјата.
Црногорскиот Интерпол минатата година распишал 170 потерници, по кои во странство се уапсени 75 лица.
Од 1. јануари до 1. декември 2012 во Црна Гора по странски потерници уапсени се 35 лица, а од Црна Гора кон другите земји испорачани се 22 лица со потерници.
Седумдесет и пет лица и се предадени на Црна Гора како резултат на апсења по претходно распишани меѓународни потерници.