Шефицата на Европската комисија, Урсула фон дер Лајен, објави на социјалната мрежа X дека разговарала со украинскиот претседател Володимир Зеленски, а потоа и со американскиот претседател Доналд Трамп по масовниот напад врз Киев во текот на ноќта.
Според украинските власти, најмалку 18 лица се убиени, а зградата на Делегацијата на ЕУ е оштетена.
Шефицата на Европската комисија не откри што ѝ кажал Трамп, а изјавата на американскиот претседател сè уште се чека.
„Путин мора да седне на преговарачка маса“, изјави таа.
„Мораме да обезбедиме праведен и траен мир за Украина со цврсти и веродостојни безбедносни гаранции што ќе ја претворат земјата во челичен еж. Европа целосно ќе ја одигра својата улога“ вели Фон дер Лајен.