Познатиот уличен фестивал „Баскерфест“ по петти пат синоќа во Велес започна во Младинскиот парк на две сцени на отворено, во амфитеатарот и на горното плато.
Пред бројната велешка публика од сите возрасти меѓу кои најбројни беа децата и младите „Баскерфест“ ја пречека публиката со улични артисти и музика во живо, со низа различни понуди за незаборавна забава: претстави, пантомима перформанси, улични танчери, креативни активности – вистински сплет на културни, забавни и уметнички содржини.
Претставите беа бесплатни,а на крај публиката задоволна од изведбата ги наградуваше забавувачите со силен аплауз и по некој денар во нивните шешири- кој колку може и сака.
„Баскерфест“ со богата програма продолжува и вечерва на двете сцени на отворено во Младинскиот парк.