Во Бразил е клонирана втората најскапа крава во светот – Виатина, која пред две години беше проценета на 21 милион бразилски реали (3,4 милиони евра), објави „Глобо“.
Весникот наведува дека техниката што се користи за клонирање на крава може да чини и до 100.000 бразилски реали (16.514 евра) и дека Виатина не е единствената која има свој клон, со оглед на тоа што клонирањето комерцијално се спроведува во Бразил од 2010 година.
Како што објасни истражувачот Маурицио Махаим, од бразилската корпорација за земјоделски истражувања (Ембрапа) во Одделението за генетски ресурси и биотехнологија, стапката на успех на клонирање е четири проценти.
Махаим беше дел од истражувачкиот тим кој во 2001 година успеа да го изврши првото официјално клонирање во Бразил, и тоа на теле.
Телето, кое е копија на роденото три месеци порано, добило посебна грижа во клиниката за генетика во Убераба, Триангуло Минеиро.
„Ние се обидуваме да го произведеме овој клон веќе некое време, но тоа е многу сложен процес. Минатата година бевме среќни што го видовме тоа да се случи, бидејќи клонот е гаранција дека генетиката на Виатина ќе трае“, објасни ветеринарот Лорани Мораес.