Со години се расправа и дебатира за користа на црвеното вино за здравјето, но австралиски биохемичар верува дека создал капка толку богата со антиоксиданси, што би можела да излекува бројни болести.
Научникот Грег Џардин од Бризбејн вели дека патентирал збир состојки создадени во текот на производството на вино кои според него дејствуваат противвоспалително и би можеле да се борат против низа состојби како артритис и хроничен замор.
Претходните истражувња веќе сугерираа дека внесување на помали количини црвено вино може да помогне мажите подолго да живеат и може да штити од болести на срцето.
Џардин верува дека создал вкусен пијалак кој би можел да има впечатливи ефекти на подобрување на здравјето.
– Ние го донесовме антиоксидансот, кој постои во мали количини во виното, до ниво на кое може нешто и да се направи, рече Џардин.