Ширум светот се појавуват голем број т.н. селфи фотографии, кои стануваат популарни поради некаква причина, но очигледно селфито на Амриканецот Алекс Чакон е меѓу ретките што заслужуваат восхит.
Имено, Алекс решил да направи, како што го нарекува, „тригодишно епско селфи“ од неговиот „пат околу светот за три години“.
На ова патување со мотор Алекс минал над 200.000 километри и посетил 36 земји од целиот свет, при што самиот се фотографирал во сите места во кои престојувал.
По завршувањето на патувањето, за време на кое сменил пет мотори, Чакон ги споил своите селфи фотографии во збирно видео, кое е на добар пат да стане вистински интернет хит.