Пејачката Пети Смит (79) се онесвести за време на презентација на проектот во Сао Паоло, по што се врати на сцената и им се извини на присутните бидејќи нема да може да продолжи.
На видеото објавено на социјалните мрежи се гледа како Смит лежи на подот, а набрзо таа е однесена од сцената во инвалидска количка.
Таа го презентираше својот проект „Преписи“ со берлинската група „Саундвок колектив“ во Сао Паоло во средата и падна додека читаше за климатските промени, според АП.
Patti Smith faz questão de encerrar show em SP depois de mal súbito, desmaio e de ser retirada do palco numa cadeira de rodas. De arrepiar. Fique bem, deusa. ❤️ pic.twitter.com/Hozx1AQ9QC
— Antonio Prada (@antonioprada) January 30, 2025
Таа повторно се врати на сцената во инвалидска количка и и се извини на публиката која на пејачката и скандираше „те сакаме“.
Саундвок колектив соопшти дека Смит боледувала од тешка мигрена во последните неколку дена, но се очекува повторно да настапи.