Американското Министерство за одбрана објави нов пакет историски документи и видеоснимки за неидентификувани аномални појави (UAP), во рамки на иницијативата на администрацијата на американскиот претседател Доналд Трамп за поголема транспарентност.
Објавените материјали опфаќаат снимки создадени во различни периоди и на повеќе локации низ светот. На нив се забележуваат необјаснети објекти кои се движат со голема брзина, лебдат или емитуваат светлина, а дел од случаите и понатаму немаат официјално објаснување.
Меѓу документите се наоѓа и воена анализа од 1953 година, во која истражителите наведуваат дека анализираните објекти покажуваат карактеристики што не одговараат ниту на природни појави, ниту на тогаш познати типови летала.
FIFTH UFO DROP 🛸 https://t.co/kWE5tvdY9H
DOW-UAP-PR134 | UNRESOLVED UAP REPORT, MIDDLE EAST, 2025 pic.twitter.com/yjtnvOjEms
— The White House (@WhiteHouse) August 7, 2026
Во поновите архиви е вклучен и извештај на ФБИ од 2026 година, во кој американски државјанин пријавил три одделни средби со неидентификувани аномални појави во рок од пет часа на западниот дел од САД.
Од американската администрација нагласуваат дека целта на објавувањето на документите не е да се наметне одреден заклучок, туку јавноста да добие пристап до што повеќе информации и самостојно да ги оцени достапните докази.
Сите објавени документи и видеоматеријали се достапни на официјалната веб-страница на Министерството за одбрана на САД.