Францускиот претседател Емануел Макрон го исполни ветувањето дадено во февруари кога се облжи со двајца познати француски јутјубери. Тој рече дека Мекфлај и Карлито ќе му бидат гости во Елисејската палата ако успеат да соберат десет милиони прегледи на видео во кое промовираат социјална дистанца за време на пандемијата со Ковид-19. Со оглед дека познатите јутјубери имаат 6,5 милиони следбенци, не им беше тешко да ја исполнат целта.
На Мекфлај и на Карлито им беше дозволено да снимат видео од 36 минути со Макрон. Видеото објавено денеска веќе има над шест милиони прегледи.
Шоуто завршува со прошетка низ дворот на Елисејската палата, каде што францускиот бенд „Ултра Вомит“ свири хард рок верзија на француската приспивна песна „Зелен глушец“.