Потребен беше само еден филм – „A Star Is Born“ – за да ги направи Лејди Гага и Бредли Купер еден од омилените филмски парови. Бидејќи и двајцата повторно се сингл, многумина сакаат љубовта да се пренесе во реалниот живот, но единственото нешто што е сигурно е дека двајцата повторно ќе се појават заедно во филм.
Станува збор за документарен филм наречен „Како да се биде Марк Ронсон“.
Според странските медиуми, добитникот на Греми награда Марк Ронсон соработуваше со Лејди Гага и Бредли Купер на снимањето на филмот „A Star Is Born“, а пејачката и актерот одлучија повторно да застанат пред камерите за потребите на документарниот филм кој го следи животот и делото на нивниот пријател и колега.
– Марк Ронсон е еден од најголемите музичари и продуценти на нашето време – објаснува Гага во видеото што го најавува филмот.
– Тој е најкул тип што постои, додава Купер.