Турскиот инфлуенсер Еркан Тој, познат како Еркан Аби кој на социјалните мрежи има повеќе од милион следбеници, сподели видео на својот профил на кое пали цигара во патнички авион за време на летот.
Откако го објави видеото, авиокомпанијата AJet го стави на црна листа и му забрани да лета на нивните линии, пишува Хаберлер.
Според прописите за цивилно воздухопловство во Турција, патниците кои користат тутун или слични производи во авионот подлежат на административна казна од 24.681 турска лира (околу 500 евра).