На 21-годишна возраст трагично заврши животот на талентираниот спортист Георги Савин.
Младиот Русин, член на ВХЛ тимот Рјазан, Георги Савин, се здоби со смртоносни повреди откако паднал од прозорец на зграда на 18 кат во градот Рјазан. Во сезоната 2021/2022, тој беше член на екипата на КХЛ Витјаз, за која одигра повеќе од 20 натпревари како напаѓач.
Во моментот на трагедијата во станот со него била и неговата девоја кој во тоа време се туширала во бањата. Полицијата ги истражува околностите под кои животот го загуби несреќниот Георгиј Савин. Се разгледуваат неколку верзии, не е исклучена несреќа.
Челниците на клубот, но и навивачите со потресни пораки се простија од младиот хокеар.
Според очевидци, пред атлетичарот да падне, слушнале женско врескање. Како што пренесува Рен-ТВ, девојката на Савин била со него во станот и била под тушот. Забележано е дека Савин имал големи долгови и тешкотии во кариерата.
Портпаролот за односи со навивачите на клубот упати апел до оние кои сакаат да соберат пари за семејството на починатиот. Младиот Георги Савин беше многу талентиран хокеар, посветен на својот клуб и работа, пренесуваат руските медиуми.