За оваа слатата ќе ви трбаат сурими стапчиња, доста зеленчук, паста и фин кремаст прелив од мајонез, јогурт и павлака …
Потребно е:
250 гр сурими стапчиња
200 гр сварени тестенини
1 помал корен целер
1 поголем морков
120 гр пченка од конзерва
1 кисело јаболко
6-7 кисели краставички
свеж магдонос
сол, бибер
80 гр фета сирење
за преливот:
100 гр мајонез
100 мл јогурт
100 мл кисела павлака
сок од 1/2 лимон
Подготовка:
– Најпрво исечете ги морковот и целерот на стапчиња и ставете ги да се варат 10-тина минути (не треба да бидат преварени, треба да останат малку крцкави).
– Киселите краставички исто исецкајте на стапчиња.
– Јаболките излупете ги и исецкајте ги на коцки. Ставете ги во садот кај краставичките. Во садот додадете ја и исцедената пченка од конзерва.
– Сурими стапчињата уште замрзнати исечете ги на тркалца со дебелина од еден прст. Ставете ги да се варат во вода што врие само 30 секунди.
– Сварете ги тестенините според упатството на пакувањето.
– Сега направете го преливот. Измешајте ги мајонезот, сокот од лимон, павлаката и јогуртот. Зачинете по вкус и на крај додадете една рака сецкан свеж магдонос. Измешајте за да се соединат сите состојки.
– Сите состојки за салатата ставете ги во садот кај јаболките, краставичките и пченката. На крај додадете го и преливот и полека измешајте со лажица.
– Оваа салата послужете ја изладена.