Се прашувате како да го направите вашиот надворешен изглед совршен според вашето тело. Треба се направи избор на она што најмногу ни прилега. Еве неколку совети:
Отвор на горниот дел
Иделна линија на вратот на горниот дел од облеката е коцка. Предноста на оваа форма на отвор е што изложува поголем дел од телото околу вратот, што остава впечаток на избалансираност. Друг тип препорачливи отвори се ве-изразот, кружниот или во форма на лажица. Последниот изгледа одлично затоа што има убав пад кој ги акцентира облините. Кружниот отвор на вратот, пак, е универзален и одговара на сите фигури. Ве-изразот секогаш остава впечаток на долго торзо.
Избегнувајте ги високите отвори како оние во јапонски стил, т.н. бродски отвор (ниско под долниот дел од вратот и издолжен кон завршетокот на рамењата), ролка, отворот со голи рамена и парче од блузата или фустанот околу вратот (анг. haltercollar). Ако, сепак, ги обожавате високите отвори, носете ги со 2-3 откопчани копчиња. Уште еден важен совет е – големо НЕ за стреч-материјалот (ликра и слично).Создавајќи впечаток на издолженост на фигурата, ќе го поместите фокусот од градите.
Ракави
Едноставен совет е да се носат ракави со тричетвртинска должина. И ова овозможува фокусот да се оттргне од градите. Но, треба да се избегнуваат блузи и фустани без ракави. Модните експерти предлагаат кошули во полуформален стил со отворена јака со минимални цветни или геометриски дизајни носени над маичка со прерамки.
Градник
Уште еден важен совет е градникот. Тој може да го направи или да го расипе впечатокот. Градникот треба добро да ги држи градите. Има градници кои создаваат илузија на помали гради. Тие се добар избор.
Совет плус
На фигура со поголеми гради добро се вклопува горен дел засечен под градите и слободно пуштен надолу, како и типот на блузи/фустани со преклоп со странично врзување и балонести ракави.