Творците на „South Park“ се пошегуваа со „помпата“ која ги следи уапсените руски панкерки од бендот Пуси Риот, па во најновата епизода, емитувана на 31-ви октомври, поддршка на музичарките им даде и Исус лично.
Епизодата A scause For Applause во која се исмеваат луѓето кои изразуваат поддршка поради некаква кауза без размислување што стои зад тоа, го покажуваат Исус во маичка на која пишува „Free Pussy Riot”.
Трите членки на женскиот панк бенд се осудени на две години затвор поради тоа што во август пееа песни против Путин во московската Соборна црква. Во меѓувреме една од нив е ослободена.