Кученцето Снупи, кое со останатите ликови од стрипот „Чарли Браун“, ја освои публиката насекаде во светот, доби своја ѕвезда на Патеката на славните во Холивуд.
Снупи ја доби својата ѕвезда неколку дена пред премиерата на анимираниот филм „Чарли Браун“, со кој се одбележува настанувањето на популарниот американски стрип.
Гласовите на анимираните ликови ги позајмија Ноа Шнап, Хедли Били Милер, Еј.Џеј. Текс и Ноа Џонстон.
Снупи ја доби 2.563-та ѕвезда на Патеката на славни, веднаш до ѕвездата на авторот на стрипот, Чарлс Шулц.
На Патеката на славните Снупи им се придружи на останатите цртани ликови како Пајо Патор, Мики Маус, Шрек, Симпсонови, Снежана и други.
Стриповите со Снупи и неговата дружина се објавено во околу 2.600 весници во 75 држави.