Во етно селото кај Никшиќ се одржа натпревар во 24 часовно излежување. Натпреварувачите рекле дека можеле уште, но си го чувале здравјето.
По 24 часа непрестано лежење, натпреварот на Црногорците заврши со поделба на наградата од 200 евра на четири дела.
Иван Перишиќ, Жарко Симовиќ и Горан Јововиќ од Никшиќ и Марко Ѓуровиќ од Подгорица по точно еден ден константно лежење под стогодишен јавор, одлучиле да се откажат од понатамошната борба и да ги поделат 200 евра.
По поминатата ладна ноќ, замотани со ќебиња до грло, како што пишува црногорскиот весник „Вијести“ и строгите правила за станување, натпреварувачите се откажале.