Неверојатно вкусни и декоративни кремасти колачи …
Потребно е:
за ролничките:
500 гр замрзнато лиснато тесто
путер за премачкување на калапите
1 јајце
за кремот:
1 пакетче желатин
50 мл вода
500 мл млеко
1 прашок за пудинг од ванила
1 лажица нишесте
3 жолчки
150 гр шеќер
1 ванилин шеќер
200 мл слатка павлака
шеќер во прав, за посипување
24 специјални калапи за ролнички
Подготовка:
– Прво подгответе ги ролничките. Одмрзнатото лиснато тесто развлечете го на набрашнета работна површина. Од секој дел од тестото треба да добите 12 ленти (значи вкупно 24 ленти).
– Калапите за ролничите премачкајте ги со путер и на секој замотајте по една лента.
– Така подготвените ролничи наредете ги во тава претходно обложена со хартија за печење. Премачкајте ги со разматено јајце и ставете ги да се печат во загреана рерна на 200 целзиусови степени околу 20 минути.
– Кога ќе бидат печени, уште врели тргнете ги од калапите и оставете ги да се изладат.
– Сега преминете на подготовка на кремот. Ставете го желатинот во еден сад, посипете го со 50 мл ладна вода и оставете го да набабри 10-тина минути.
– Во сад на рингла ставете да се вари околу 400 мл млеко.
– Прашокот за пудинг и нишестето помешајте ги со преостанатото млеко.
– Во друг сад пенесто изматете ги жолчките со шеќерот и ванилиниот шеќер. Во ова додадете го разматениот пудинг со нишесте и убаво измешајте. Полека сипете го врелото млеко со постојано мешање. Садот ставете го на рингла и варете додека не се згусно, со постојано мешање.
– Тргнете го садот од рингла, додадете го желатинот и полека мешајте додека не се растопи.
– Оставете го кремот сосем да се излади и потоа во него додадете ја изматената слатка павлака. Кремот ставете го малку во фрижидер да се стегне. Префрлете ја во готварски шприц или пак во готварска кеса за украсување и со неа исполнете ја внатрешноста на ролничките.
– Готовите ролнички посипете ги со шеќер во прав и послужете ги.