Претседателот на Исланд, Гудни Јоханесон изјави дека не сака да јаде ниту гледа ананас на пица и доколку би имал такво моќ би ја забранил таа комбинација.
Минатата недела, одговарајќи на прашања на ученици во Акурејри, Јоханесон изјавил дека негов омилен фудбалски тим е Манчестер Јунајтед и дека тој бил „фундаментално против“ ананас на пица.
Претседателот изјавил дека доколку може, би го забранил ставањето на ананас како додаток на пица.
Денеска тој го појасни овој негов став, преку објава на Фејсбук.
„Сакам ананас, но не на пица. За среќа и немам таква моќ да можам да им забранувам на луѓето да ставаат ананас на пица.“ напиша Јоханесон на Фејсбук.