Кралот Чарлс е познат по своите необични склоности, а кога оди за викенд да ги посети пријателите, тој носи половина од својот мебел со себе.
Изгледа неверојатно, но овие детали ги презентираше авторот Том Бауер во неговата книга „Бунтовничкиот крал“.
„Кралот Чарлс го испрати својот персонал претходниот ден со камион што носеше мебел за да го замени совршено соодветниот мебел во гостинските соби. И не само неколку комоди: камионот содржеше не помалку од комплетните спални соби на Чарлс и Камила, вклучувајќи ортопедски кревет, комплетен со неговата лична постелнина. Неговиот персонал, исто така, се погрижи да спакува мало радио, личната тоалетна школка на Чарлс, ролна тоалетна хартија Kleenex Premium Comfort, виски Laphroaig и флаширана вода (за двете спални соби), плус две слики од пејзажи од шкотските планини“ се вели во книгата.
Монархот се чини дека е мајстор во претворањето на обичните јадења во луксузни оброци прилагодени на неговиот вкус.
Том Квин, во својата книга „Да, госпоѓо“ – бестселер за историјата на кралската служба – опишува посебен ритуал што го бара кралот кога подготвува јајца со попладневнио чај.
„Тој никогаш не готвел јајца и не печел мафини сам. Бидејќи, како и многу луѓе, Чарлс е пребирлив во врска со тоа како се готват неговите јајца, а бидејќи јајцата се познати по тоа што тешко се прават како што треба, тој инсистира да се готват шест јајца, така што барем две ќе бидат токму онакви какви што ги сака“.
Овој пристап би значел дека, ако Чарлс ужива во јајца и мафини секој ден попладне, кралската кујна би потрошила приближно 42 јајца неделно само за да обезбеди совршено подготвени јајца за кралот.