Идеја за еден убав и вкусен ручек …
Потребно е:
околу 1 кг тенко исечени телешки шницли
за полнењето:
1 лажица маслиново масло
1 помала главица кромид
2 чешниња лук
сол и бибер, по вкус
1/4 лажиче оригано
125 гр лебни трошки
1 јајце, изматено
околу 750 мл сос од домати
60 мл суво бело вино
2 лажичиња слатка или лута мелена црвена пиперка
сецкан свеж магдонос
за сосот од домати:
1 лажица маслиново масло
1 главица кромид
2-3 чешниња лук, издробени
125 мл црвено вино
околу 800 гр сецкани домати од конзерва
1 лажица сецкан свеж магдонос
Подготовка:
– Прво направете го сосот од домати. Загрејте го маслото во поголема тава и додадете го ситно сецканиот кромид. Пржете го на средна температура додека да омекне. Додадете го лукот и пржете го само додека да замириса, околу 1 минута.
– Сипете го виното, зголемете ја температурата и варете со повремено мешање додка да испари цела течност.
– Додадете ги доматите, сол, бибер, измешајте, поклопете ја тавата и варете на тивко 15-20 минути.
– На крај додадете го ситно сецканиот магдонос, измешајте и оставете ја тавата на страна.
– Преминете на подготовка на полнењето за шницлите. Во тава ставете 1 лажица маслиново масло, загрејте го и додадете го ситно сецканиот кромид. Пржете додека да омекне околу 10 минути. Потоа додадете го лукоти пржете само да замириса. на крај додадете ги ориганото, сол и бибер.
– Тргнете ја тавата од рингла, сипете ја содржината во друг сад и оставете да се излади. Потоа додадете ги лебните трошки, бибер, јајце и ситно сецкан магдонос и убаво измасете со рака.
– Шницлите посипете ги со бибер и малку посолете ги. на почетокот на секое парче месо ставете по една полна лажица фил и замотајте ја шницлата како ролна. Ако е потребно затворете ги краевите со чепкалки за заби.
– Направете го сосот за шницлите. Земете го подготвениот сос кој го тргнавте на страна. Додадете ги мелената црвена пиперка, сокот од лимон и виното. Убаво измешајте.
– Половина од сосот сипете во огноотпорна тава (22х30 см).
– На сосот наредете ги полнетите телешки ролнички и прелијте со остатокот од сосот.
– Тавата покријте ја со алуминиумска фолија и ставете да се пече во загреана рерна на 180 целзиусови степени 30-40 минути. Месото треба да биде печено и меко. оставете да се излади.
– Послужете го со ситно сецкан магдоноси свежо изрендан пармезан.